L’Ovra svizra da lectura per la giuventetgna

L’istorgia da l’Ovra svizra da lectura per la giuventetgna

Il 1931 è la OSL vegnida fundada da represchentants da differentas organisaziuns cun la finamira da promover il plaschair da leger dals uffants e dals giuvenils. L’Uniun svizra da scripturas e scripturs ha regalà il chapital inizial e l’Uniun svizra da la magistraglia ha mess a disposiziun in emprest senza tschains. Dapi il 1957 è la OSL ina fundaziun ed edescha litteratura favuraivla ed actuala en las quatter linguas naziunalas. Fin ussa èn cumparids 2300 titels, savens en ediziuns da 20’000 exemplars e dapli. Var 50 milliuns carnets han chattà lecturas e lecturs giuvens, mintg’onn crescha il dumber per 200’000 fin 300’000 exemplars.

Senn e finamira

• svegliar il plaschair da leger
• preparar per il cudesch
• activar la fantasia e la creativitad
• infurmar
• porscher in forum per auturas ed auturs, illustraturas ed illustraturs

Accents dal program d’ediziun

Text per l’emprima lectura: • per preleger, raquintar
• u per leger sez
Stgalim mesaun: • simpels texts litterars
• carnets davart differents temas specifics
• istorgias d’aventura, da strias e da spierts
• gieus da lingua
Stgalim superiur: • texts litterars
• carnets davart temas actuals

Purschida interculturala

Il project intercultural dad OSL “leger e chapir simultanamain” cuntegna trais carnets OSL ed ina CD-ROM cun translaziuns en las linguas da migraziun principalas. La cumbinaziun d’in carnet original tudestg cun carnets OSL stampabels en spagnol, portugais, talian, croat, albanais, tamil etc., porscha material d’instrucziun che po vegnir applitgà a moda multilinguala ed interculturala.

Conservaziun d’illustraziuns originalas

En la collecziun grafica da la Biblioteca centrala da Turitg vegnan las illustraziuns originalas dals carnets OSL conservadas a moda professiunala.

Rapport annual (PDF)

Per leger quest document dovra Voss computer “Acrobat Reader” dad “Adobe”. Sche Vus vulais installar “Adobe Acrobat Reader”, cliccai qua.